PROVINCE OF CEBU- Aduna nay persons of interest ang Oslob Municipal police station sa gituohang pagpanamastamas sa 15 anyos nga babaye nga taga Sitio Nailong, Barangay Hagdan sa lungsod sa Oslob probinsya sa Sugbo.
Base sa gihimong back tracking sa mga CCTV camera sa lungsod sa mga imbestigador sa PNP, pinaagi sa abag sa saksi nga na-interview sa kapulisan nasubay ang mga POI.
Tungod niini, milusad og manhunt operation ang kapulisan nga gilangkuban sa CIDG-Cebu Provincial Field Unit ug Oslob Municipal police station sa Cebu Police Provincial Office.
Dinhi, nadakpan ang upat ka persons of interest nga giila sa alyas nga Chris, Cycy, Tris ug Ken nga naa na sa kustodiya sa CIDG.
Nagpadayon ang gihimong imbestigasyon sa kapulisan kalabot sa maong insidente.
