CEBU CITY-Gibutyag ni Cebu City Councilor Nestor Archival nga nahingangha siya sa gipahibalo ni Kanhi Cebu City Mayor Tommy Osmeña sa plano niini nga modagan pagka Bise Mayor sa 2025 midterm elections kon mo dagan pagkamayor si Archival.
Kahinumduman nga kagahapon adlawa gipahibalo ni Osmeña sa usa ka press conference ang iyang tinguha nga modagan uban ni City Councilor Nestor Archival, kinsa iyang gi-endorso isip kandidato pagka mayor sa 2025 elections.
Saysay pa ni Osme a nga nakig-estorya siya kang Archival aron ikonsiderar ang pagdagan sa pagka-mayor, tungod kay nagtuo siya nga si Archival adunay potensyal nga mahimong maayo nga lider sa dakbayan sa Sugbo ug ang tumong nga ibalik ang Sugbo ngadto sa katawhan.
Dugang ni Osmeña nga dili babag ang kahimtang sa iyang panglawas sanglit kinahanglan na gud mailisdan si Cebu City Mayor Mike Rama.
Samtang sa habig ni Konsehal Nestor Archival kinsa 18 na katuig nga gaserbisyo sa publiko nagduha-duha pa sa pagdagan kini gumikan sa kakuwang sa pinasyal nga aspeto hilabi na sa panahon sa kampanya.
