CEBU CITY – Dili mutuo si Cebu City Mayor Tomas Osmeña nga naunay sa pagpusil ni SPO1 Roderick Balili ang iyang kaugalingon.
Kini human nga gibarugan sa PRO-7 nga accidental firing ang hinungdan sa kamatayon ni Balili ug dili tungod kay napusilan usab kini ni PDEA Agent Von Rian Tecson atol sa pagmanhig sa nakalabay nga semana.
Sigon sa Mayor nga kataw-anan nga maunay ug pusil ni Balili ang iyang kaugalingon ilabina nga 3 ang igo niini.
Labing kataw-anan usab matud nga naa pay mitunol niini sa iyang pusil nga daw sama sa “yaya”.
Subay niini, gihagit ni Osmena si Sinas nga ipakagawas ang sakyanan nga gigamit ni Balili nga giingong maoy gigamit niini sa usa ka validation sa may lungsod sa pinamungahan diin siya naunay sa iyang pusil.
Andam usab matud sa mayor nga kasuhan siya og libel sa PRO-7 kun ugaling.
