Gipasalig ni Mayor Thadeo Jovito “Jonkie” Ouano, ang mga ginikanan sa Dakbayan sa Mandaue, nga ang e-library sa siyudad para lang gyud sa research ug mga katuyoan nga may kalabutan sa eskwelahan, ug dili para sa paggamit sa social media.
Dugang ni Ouano nga ang mga computer unit nga gipasiugdahan sa San Miguel Foundation miabot na, apan ang siyudad naghulat pa sa katapusang pag-setup sa e-library sa dili pa kini hingpit nga maablihan.
Sa pagkakaron adunay 21 ka kasamtangang mga kompyuter sulod sa pasilidad. Ang mayor miingon nga ang library gituyo nga mo-operate og 24 oras para sa mga estudyante sa high school ug kolehiyo.
Ang matag estudyante mahimong mogamit sa mga kompyuter sulod sa usa ka oras aron mahatagan og higayon ang uban, apan mahimo silang magpabilin og dugay kung gamay ra ang mogamit.
Gipasabot usab niya nga ang oras sa pag-operate gi-finalize pa.
Dugang niya nga ang siyudad nagkonsiderar og bag-ong eskedyul: 24-oras nga pag-access panahon sa katapusan sa semana ug limitado nga oras sa mga adlaw sa semana.
Ang mayor miingon nga ang librarya nakaagi usab og mga pag-improbar.
Naglaum usab si Ouano nga ang siyudadnga malunsad ug ma-turn over ang e-library sa sunod semana.
