CEBU CITY-Gipahibalo sa lokal nga kagamhanan sa dakbayan sa Sugbo nga gidili gihapon ang overnight sa mga sam-ang sa umaabot nga obserbasyon sa Kalagkalag karong’ tuiga.
Matod ni Councilor Philip Zafra, chairman sa Peace and Order Committee sa konseho, nga adunay schedule kun kanus-a lang orasa kutob nga abli ang mga menteryo dinhi sa dakbayan sa Adlaw sa mga Santos ug Adlaw sa mga Patay.
Sigon ni Zafra nga mao usab ni ang na desisyonan sa tanang sektor kabahin sa pagpatuman sa security measures karong’ Kalagkalag.
Kung diin sa Oktobre 31 ngadto sa Nobiyembre 1 (Adlaw sa mga Santos) abli ang mga sam-ang sugod alas 6:00 sa buntag hangtod sa alas 12:00 sa tungang’ gabie.
Dugang pa, nga sa Oktobre 28 ablihan na usab ang mga menteryo ngadto sa publiko nga buot na nga mobista sa ilahang mga nitaliwan nga mahal sa kinabuhi.
Nasabutan sa mga administrators sa mga sam-ang nga moabli sila alas 6:00 sa buntag hangtod alas 10:00 sa gabie gikan sa Oktobre 28 ngadto sa Oktobre 30.
