Gideklarang ikaduhang hostile witness si Office of the Vice President (OVP) Assistant Chief of Staff Lemuel Ortonio sa nagpadayon nga impeachment trial batok kang Vice President Sara Duterte.
Sa ika-18 nga adlaw sa Senate Impeachment Court niadtong Martes, Agosto 25, gipangulohan ni Atty. Mae S. Divinagracia sa House prosecution panel ang direct examination kang Ortonio.
Giuyonan sa impeachment court ang hangyo sa prosekusyon nga ideklarar siyang hostile witness, nga nagtugot sa paggamit og leading questions sa pagpangutana.
Gipunting sa prosekusyon ang papel ug awtoridad ni Ortonio sa pag-apruba sa mga proyekto sa OVP, lakip ang proseso sa pagpagawas ug paggamit sa mga pondo.
Gipresentar usab ang mga tseke nga giingong gipirmahan ni Ortonio.
Sa hearing, gikumpirma niya nga usa siya sa mga nag-encash sa pipila niini bisan siya mismo ang mipirma sa mga tseke.
Ang testimonya ni Ortonio kabahin sa Article I sa impeachment complaint, nga nagpunting sa giingong sayop nga pagdumala ug paggamit sa P612.5 milyon nga confidential funds sa OVP ug Department of Education.
Human kang Ortonio, gikatakdang mosunod sa witness lineup ang tulo ka AFP officers nga gi-subpoena aron motestigo bahin sa P112.5 milyon nga DepEd confidential funds.
