CEBU CITY-Ipatukod sa Labangon Cebu City ang usa ka Super Health Center diin gisugdan ning semanaha ang usa ka ground breaking ceremony ubos sa pagdumala sa Department of Health (DOH) Central Visayas.
Gipanguluhan ang maong kalihukan ni Mayor Michael Rama, kauban si Congressman Edu Rama, Dr. Sharon Laurell sa DOH Central Visayas, City Health Officer Dr. Daisy Villa ug uban pa nga opisyal.
Ang maong pasilidad gikonsiderar nga usa ka mini hospital nga moserbisyo sa tibuok Siyudad.
Gitataw nga ang maong edipisyo adunay paanakan, laboratory, ultrasound, x-ray, dental program ug uban pa.
Gi-awhag ni Villa ang mga katawhan nga dili magpanuko kung mahuman na ang maong proyekto.
Dugang pa nga moduol hilabi na ang adunay panginahanglanon kabahin sa panglawas, tungod nga dawaton gyud ang katawhan sa dili pa kini kinahanglan ipadala sa hospital.
Kung dili usab kinahanglan madala sa hospital gisubay niini nga hatagan sa maayong serbisyo diin atimanon ug tambalan.
