Nagmalampusong napahigayon ang duha ka adlaw nga medical ug surgical mission sa Kagamhanang Lalawigan sa Sugbo sa Cebu Provincial Hospital – Danao City niadtong Agosto 16-17, 2025.
Ang maong libreng operasyon medikal ug surgical kay nakadalit sa serbisyo sa balor nga P10-milyones isip kabahin sa inisyatiba sa kasamtangang administrasyon sa Kapitolyo sa Sugbo.
Gitanyag kini isip maoy pinakauna sa kasaysayan sa Sugbo diin ang mga pribadong tambalanan, mga organisasyon, ug pipila ka mga indibidwal nga nakig-alayon sa Kapitolyo aron sa pagdalit og halapad nga libreng surgical operation.
Ang maong kalihokan kay second-leg na sa surgical mission sa Kapitolyo diin ang mga spesyalista sa Chong Hua Hospital (CHH), University of Cebu Medical Center (UCMed), Cebu Medical Society, volunteer doctors, nurses, auxiliary staff, suppliers ug ang Integrated Bar of the Philippines (IBP) ang mitanyag sa ilang serbisyo, free-of-charge.
Kabahin kini sa padayong province-wide program sa Kagamhanang Lalawigan sa pagsaulog niini sa ika-456 nga Founding Anniversary katong buwan sa Agosto.
Adunay kinatibuk-ang 59 ka mga major surgeries ang napahigayon lakip niini ang unom ka mga orthopedic cases,thyroidectomies, mastectomies, laparoscopic procedures, fracture repairs, ug bisan mga life-sabing amputations nga kasagaran nagbalor sa gatusan ka libo ka pesos sa mga pribadong institusyon.
Ubang mga na-render nga mga serbisyo kay mao ang:
74 minor surgeries, lakip ang 65 ka mga excision procedures ug 9 arteriovenous fistula (AVF) creations for dialysis patients;
96 HIV screenings;
46 legal aid consultations nga gidalit sa Integrated Bar of the Philippines – Cebu Chapter;
70 dental check-ups ug 85 tooth extractions;
203 general consultations (33 pediatric, 170 adult); ug
Diagnostic tests sama sa UTZ, CT scan, ECG, ug X-ray
Sa kinatibuk-an, ang maong kalihokan kay nakatala og 633 ka mga medical procedure sulod sa duha ka adlaw.
