CEBU CITY-Tukion karung adlawa ang P100 billion nga gipangayo nga annual budget ni Cebu City Mayor Michael Rama alang sa tuig 2024, lakip na nga pangutan-on ang components sa maong pundo.
Sugdan ang 10 days marathon budget hearing hangtud mahuman ang buwan, diin mopahuway sa Miyerkules gumikan nga adunay session ug sa Sabado ug Domingo.
Kini ang gibutyag ni Counsilor Noel Wenceslao ang Committee Chairman sa Budget and Finance.
Nunot sa pagtangtang sa ubang proyekto nga alang sa tuig 2024 diin lakip ang pondo sa flood mitigation projects sama sa pagtukod og retention ponds sa kanunay nga bahaan nga mga lugar (P300 million), drainage project (P100 million), construction sa mga dam sa upland areas (P150 milyon) ug integrated project alang sa water, drainage ug sewage plant (P2.329 bilyon).
Matud pa sa konsehal nga unahon og patawag ang Chairman sa
local finance committee ug miyembro, diin kini ang mi-propose sa budget nga P100 billion ug unsa ang component niini nga sources of funds hilabi na nga karung tuiga wala maabot ang tumong nga P50 billion nga target gumikan nga karun nga buwan anaa pa sa P8 billion ang ilahang nakolekta sa buhis.
Dugang pa nga tukion sa konseho ang mga proyekto, paminawon ang tanan nga department ug offices kabahin sa ilahang i-propose nga budget karun nga tuig.
Ibutang ang mga proyekto sa budget nga may kalabotan sa traffic ug baha kung kini dili mabutang, hilabi na nga kini ang prayoridad sa lokal nga kagamhanan diin kasamtangan nga isyu sa dakbayan.
