Giplano sa Kagamhanang Dakbayan sa Sugbo nga ag bag-ohay lang gitagana kanila nga pundo nga gikan sa kaulohan kay gastuhon sa pagsulbad sa kakuwang sa mga lawak sa mga tunghaan.
Sumala pa ni Cebu City Mayor Nestor Archival Sr. nga ang alokasyon nga P145-milyones kay bahinon sa pagpundo sa imprastruktura lakip na ang pagpatukod sa multi-storey school buildings nga gikan sa Local Government Support Fund (LGSF).
Gitawag kini sa mayor nga good news diin ang pundo naggikan sa Office if the President niadtong pagtambong nila sa kalihukan sa Malacañan niadtong Pebrero 23 sa usa ka ceremonial signing sa memorandum of agreement (MOA) ubos sa nationwide classroom building program sa Department of Education.
Dugang pa ni Mayor Archival nga adunay bahin sa maong pundo ang itagana sab sa rice subsidies ug ubang infrastructure projects sa dakbayan.
Gilatid sab sa mayor nga ang mga proposed school buildings kay ila nag nasuta sa duha sa distrito sa syudad apan ang ulahing mga detalye niini kay pagapaaboton pa kung ang mga dokumento kay maaprobahan na.
Ang dakbayan sa Sugbo kay adunay kapin 100,000 ka mga estudyante nga enrolled sa school year 2025-2026 diin gilaumang mutaas pakini sa umaabot katuigan.
Adunay report gikan sa DepEd Cebu City division nga ang mga tunghaan sa syudad kay nagpatuman na og shifting schedules aron mo-akomodar sa ihap sa ilang mga tumutungha sa limitadong espasyo.
