CEBU – Gipasabot ni Cebu City Councilor James Cuenco, ang chairman sa Committee on Transportation, nga gusto niini nga magpatunga sa reklamo sa mga pasahero, ug sa yango-ngo sa mga tricycle driver sa dakbayan.
Matud ni Cuenco nga iyahang gipangutana ang mga drayber kalabot na sa P15 nga pletehan kansang gireklamo sa mga pasahero ug giingong nakasabot usab kini sa ilahang habig.
Sigon pa, yango-ngo sa mga drayber nga daghan na sila ug kompetensya susama sa e-bike, tulo lang ang masulod sa tricycle gumikan kay adunay mga pasahero nga dili magpatupad bisan pa man sa Alert Level 1 status, kung ilahang kompletohon ang lima ka mga pasahero, madugay usab sila ug pinaabot, ingon man nga sunod-sunod na ang pagsaka sa presyo sa lana.
Gitino ni Cuenco nga lehitimo ang ‘concern’ sa maong mga drayber, hayan gusto niini nga lingkoran sa tanang hingtungdan ang maong isyu arun nga mag-abot sa tukma nga solusyon.
