LAPU-LAPU CITY-Adunay planong pagatukoron ang usa ka patigayon sa dakbayan sa Lapu-Lapu og usa ka Hotel Resort & Casino nga magbalor sa kapin P17-bilyones.
Pagalantawan kining matukod sa Barangay Mactan sa naasoy nga dakbayan human kini nauyonan sa Sagguniang Panlungsod sa dakbayan sa usa ka resolusyon nga nagrekomendar ngadto ni Lapu-Lapu City Mayor Junard “Ahong” Chan nga moluwat og certificate of no objection sa pagabuhaton operasyon.
Gipanday ang maong resolusyon ni Konsehal Janvi de la Serna og dayong nasuportahan sa kauban ini sa konseho.
Nagtinguha kini nga maluwatan og permiso ang Travellers International Hotel Group, Inc. (TIHGI) kinsa mao ang magpatukod ug magdumala sa maong hotel resort & casino nga maila sa pangalan nga Mactan World Resort.
Gipasalig sa representante sa TIHGI nga pagasugdan dayon ang maong proyekto aron hingpit kining maablihan sa tuig 2026.
Ang maong certificate of no objection ang pre-requisite sa Philippine Amusement and Gaming Corporation (PAGCOR) aron mahatagan sa permit to operate sa casino.
Gilauman nga muabot sa kapin 5,000 ka mga trabaho ang mamugna sa maong patigayon ug pagalantawan ang makita sa dakbayan sa P243-milyones sulod sa lima ka tuig gikan real property ug business taxes kun mapatuman ang proyekto.
Ang TIHGI maoy tag-iya sa Savoy Hotel ug Belmont Hotel nga pulos anaa usab sa Mactan Newtown sa Barangay Mactan ug sa pipila ka mga hotel sa Metro Manila.
