Mipadayag si Cebu City Councilor Raymond Alvin Garcia nga makadawat ang mga casual ug regular employees sa City Hall og P20,000 nga Christmas bonus karong buwana.
Kini human nga nakahipos ang City Government og saving nga mokabat sa P118-million ning tuiga gikan sa ilang kasamtangang annual budget nga P8.1-billion.
Makadawat sa maong bonus ang 5,000 ka mga empleyado sa City Hall sa maong kantidad ug posible kining ipang-apudapud karong ika-3 nga semana sa Disyembre.
Matud ni Garcia nga i-approve pa sa konseho ang maong bonus ubos sa proposed third supplement budget sa dakbayan.
Gawas niini, makadawat usab ang mga magtutudlo sa public schools og P10,000 nga cash assistance ubos sa maong supplemental budget.
Gilauman ni Garcia nga maaprubahana ng maong pondo sa konseho karong Disyembre 11 aron maproseso kini dayon.
Si Garcia mao ang chairman sa committee on budget sa Cebu City Council.
