Gipahibalo sa Department of Agriculture (DA) nga ang bugas nga tag P20 kada kilo mapalit na sa tanang 82 ka probinsya sa nasud.
Ang pahibalo gihimo human sa paglusad sa Benteng Bigas, Meron na Program sa Maguindanao del Norte.
Kung diin, ang Maguindanao del Norte mao ang katapusang probinsya sa nasud diin gilunsad ang programa.
Sumala ni DA Assistant Secretary Genevieve Guevarra, ang tumong mao ang paghimo sa matag Pilipino nga mag-amping ug pagpataas sa lokal nga produksiyon aron masiguro nga walay magutman bisan unsa pa ang relihiyon o kultura.
Gipasigarbo usab sa DA nga ang maong programa nagpakita sa maayong relasyon sa gobyerno sa Bangsamoro Autonomous Region in Muslim Mindanao (BARMM).
Gidugang sa Kalihim nga sa kinatibuk-an, adunay 429 ka mga lugar diin gilunsad ang programa ug ilang gitarget nga makabenepisyo ang 15 milyon nga mga panimalay sa 2026.
