CEBU – Nisugyot ang Cebu City Department of Engineering and Public Works (DEPW) og dul-an sa P2 bilyones nga kantidad sa mga proyektong imprastraktura nga makatabang sa pagpamenos sa mga problema sa pagbaha ug pagdahili sa yuta.
Sumala sa gisumitir nga budget niini alang sa 2023 sa construction services, ang departamento mogasto og P600 milyones alang sa konstruksyon sa mga retention ponds sa mga lugar nga kanunay bahaan ug laing P600 milyones alang sa drainage projects.
Samtang ang DEPW nigahin usab og P600 milyones alang sa imprastraktura nga nagtumong sa “slope protection sa landslide-prone areas.”
Laing P196 milyones usab ang gigahin alang sa pagtukod og mga dam sa kabukiran sa siyudad.
Gawas niini, nigahin usab og laing P57 milyones ang departamento alang sa pagpalit og mga heavy equipment nga gamiton sa dredging sa mga sapa ug sapa.
Sa higayon nga maaprobahan sa Konseho sa Dakbayan ang gisugyot nga kantidad alang sa mga proyekto, ang DEPW mohimo sa plano ug mag-ila sa posibleng mga dapit diin mahimo ang mga proyekto sa pagpugong sa baha.
