MANDAUE CITY-Mukabat sa 3.4-milyones pesos ang kantidad sa mga illegal nga drugas nga nakuha gikan sa usa ka mag-uuma atol gipahigayong buy-bust operation sa mga personahe sa Philippine Drug Enforcement Agency Central Visayas (PDEA-7).
Giila ang dinakpan nga si Jessel Malazarte Yote hingkud ang panu-igon nga lumulupyo sa Sitio Tupas, Brgy. Taptap, dakbayan sa Sugbo.
Gipahigayon ang maong buy-bust operation sa sa kadalanan sa North Reclemation Area, Brgy. Subangdaku, dakbayan sa Mandaue.
Nakuha gikan sa suspek ang tunga sa kilo sa gituohang shabu.
Sa pagpangutana sa suspek kung nganong namaligya kini sa illegal nga drugas apan mibalibad kini ug hatag sa detalye.
Apan sa dihang gipangutana kini sa Bombo Newsteam, mitubag ang suspek nga gisugo ra daw kini sa pagdeliver ug wala nay lain pang kakulian.
Anaa sa kustodiya sa PDEA-7 ang suspek og pasakahan kini sa kaso sa paglapas sa balaud.
