Gipahibalo ni Presidente Ferdinand “Bongbong” Marcos Jr. nga ang P300 bilyones nga pundo alang sa flood control projects magpadayon hangtod sa 2026, basta adunay igong mga safeguards.
Atol sa iyang pagbisita sa Gonzaga, Cagayan, gipasiugda ni Presidente Marcos ang kamahinungdanon sa usa ka saktong proposal, programa sa trabaho, ug pagdawat sa lokal nga gobyerno isip bag-ong criteria sa pagpatuman sa proyekto.
Gipasalig usab sa presidente nga dili na masubli ang nangaging mga pagpangabuso sa paggamit sa pundo sa imprastraktura.
Gidugang niini nga ang gobyerno maoy tig-atiman lamang sa kuwarta sa katawhan ug angayan kining gamiton sa husto alang sa kaayohan sa tanan.
Gimando usab ni Marcos ang pagbalhin sa P255.5 bilyones nga pundo gikan sa DPWH ngadto sa mga prayoridad nga programa sa ubang ahensya sa gobyerno.
