P31 nga umento sa suholan insakto lang, dili rason nga manirado ang mga kompanya – Cebu Chamber of Commerce

CEBU – Gituohan sa Cebu Chamber of Commerce nga insakto lang ang P31 nga increase sa minimum wage alang sa mga mamumuo sa Central Visayas.

Gibutyag ni Charles Kenneth Co, ang presidente sa Cebu Chamber of Commerce, nga dili usab maayo kung manghinobra pa sa P31 ang pagsaka sa minimum nga suholan tungod kay muresulta kini ug pagkagamay sa mga trabahante.

Matud pa, kung manghinobra na usab ang minimum wage, giingong ang tulo ka trabaho ang trabahu-on na sa usa na lang ka tawo, butang nga dili usab maayo.

Hinuon, gitataw ni Co nga ang P31 nga umento sa suholan kay dili igong rason nga manirado na ang mga kompanya gumikan kay dili pa man kini makapa-alkansi kanila.