CEBU CITY-Mukabat sa 4.4 million pesos ang kantidad sa Marijuana nga nahulbot sa kapulisan ug sa Philippine Drug Enforcement Agency (PDEA-7) sa may bukirang barangay sa Sito Agop Dako , Barangay Gaas, Balamban ug sa Purok 3, Brgy. Tungkay, Dakbayan sa Toledo.
Matud ni Police Major Christian Torres ang hepe sa Balamban PS nga dako ang ektarya sa yuta kung diin nila nakuha ang 11,000 ka mga punuan.
Gani atol matud pa sa pagpadulong sa mga operatiba sa area nabantayan matud pa dayon sila sa mga planters kun mananumay sa maong marijuana kung diin na-identify ra usab sa mga kapulisan apan nakaeskapo kini.
Nasuta usab nga ang mga naasoy nga planters mamusil kung naay mga magpadulong sa plantation ug atol sa operasyon, narekober ang usa 45 caliber pistol nga matud pa nahagbong sa dihang mi-iskapo ang 3 ka mga planters.
Wala hinoon masuta kung kinsa ang tag-iya sa maong yuta.
Gisunog na ang naasoy nga marijuana samtang ang uban niini gidala na sa PDEA para himoong ebidensya.
