CENTRAL VISAYAS- Giaprobahan na sa nasudnong panggamhanang ang anaa sa P4-bilyones nga pundo nga itagana sa pagpa-rehabilitate sa mga impreastruktura sa lalawigan sa Sugbo nga nakahiagom og kadaot sa ilahing bahin sa 2025 mugna sa linog ug bagyo nga miigo sa probinsya.
Kini ang gipahibalo ni Department of Public Works and Highways (DPWH) Secretary Vince Dizon sa mga sakop sa tigbalita kagahapong adlawa sa Miyerkules, Marso 25 sa pagbisita niini pagbalik sa Sugbo aron susihon ang pipila ka mga proyektong pang-imprastrukta ilabi na sa dakbayan sa Talisay.
Sumala pa ni Sec. Dizon nga giaprobahan na ni Presidente Ferdinand “Bongbong” Marcos Jr. ang pundong P4-bilyones aron sa pagpatukod pagbalik sa mga nangagubang imprastruktura lakip niini ang mga buildings, tunghaan, flood control projects, ug mga tulay. Lakip sab sa maong pundo ang feasibility study alang sa Mananga river sa dakbayan sa Talisay nga tinguhang mapatuman sa dili pa ang panahon sa ting-uwan nga makabalda sa pagtrabaho ug kaluwasan sa publiko.
Dugang pa sa opisyal nga direktiba mismo gikan sa president ang pagpanalipod sa kinabuhi sa mga residente ilabi na duol sa babaan sa suba sa Mananga nga maoy ilang nabisita kagahapong adlawa.
Paningkamot nila nga sa musunod 2 hangtod sa 3 ka buwan kay mahumana ang proyekto aron dili maabtan sa panahon sa ting-uwan sa ikaduhang bahin sa tuig.
