Cebu City- Giimbestigaran karon sa mga otoridad ang 9 million pesos worth of Marijuana plants nga na-ibot sa mga operatiba sa Balamban PS ug Provincial Mobile Force Company sa may Sitio Ko Brgy. Gaas lungsod sa Balamban Probinsya sa Cebu.
Matud ni PO3 Excel Agwanta sa Balamban PS nga may nagreport sa ilang buhatan sa naasoy nga plantation sa maong lugar.
Mitabok matud pa og sapa ang mga operatiba ug nagbaktas sulod sa 3-4 ka oras aron maabot ang maong plantation. Una niini matud pa nga naabtan ang gamay nga area apan nasigpatan sa mga operatiba ang kadudahang luna sanglit gitabunan kini og mga sagot. Tungod niini ila usab dayon kining gi-inspekyon ug didto nakita nila ang lapad nga luna nga gitamnan og Marijuana.
Miabot sa 20,000 fully grown marijuana ang na-ibot
Personal usb nga gibisita sa Provincial Director sa Cebu Provincial Police Office (CPPO) nga si PSSupt. Manuel Abrugena ang area ug gipatutokan niini kung gi-unsa og kinsa ang nagtanom sa maong marijuana.
