-- ADVERTISEMENT --
CEBU CITY-Mukabat sa kapin 4 milyones ka pesos ang kantidad sa shabu nga nasakmit sa mga otoridad sa gipahigayong buybust operation sa Sitio Mahayahay 2 Brgy. Pasil, Cebu City kagabii, Hunyo 1.
Sikop sila si Jither Parba Bacante 19 anyos ug ang kauban niini nga si Dave Pearson Cabije 20 anyos ug parehong residente sa naasoy nga dapit.
Nakuha gikan sa ilang posesyon ang 4 ka medium sized nga pakete sa shabu ug 12 ka mga large pack sa shabu.
Duna kini gibug-aton nga 620 gramos ug dunay DDB value nga 4,216,000 pesos.
Samtang padayon usab nga giimbestigaran ang source sa nasakmit nga mga shabu.
-- ADVERTISEMENT --
