Cebu City – Mukabat sa 4 milyones ka pesos nga kantidad sa shabu ang nasakmit sa mag ig-agaw atol sa gipahigayon nga joint operation sa Abellana Police Station ug sa Drug Enforcement Group Visayas sa Green Valley Street , Brgy Capitol Site dakbayan sa Sugbo pasado alas onse kagabiie.
Ang mga nasikop mao sila si Mark Ababa Mier 34 anyos , residente sa F. Rallos Street Brgy Suba ug usa ka high value target apan wala malakip sa drugs watchlist sa kapulisan ug ang ig agaw niini nga si Virgo Pacubas Mier, 32 anyos kinsang usa usab ka high value target sa kapulisan.
Matud ni Police Chief Inspector Edward Sanchez, ang hepe sa Abellana PNP nga , nga nakapalit sila og drugas kang Mark sa dihang gipahigayon ang buybust operation.
Nakuha gikan sa dinakpan ang 600 grams sa gitoohang shabu nga dunay DDB value nga 4 million pesos. Matud pa ni Sanchez nga nagsilbing middleman sa duha ka mga suspect mao ang inilang druglord usab sa dakbayan sa Sugbo nga si Mark Abellana kinsang na priso na karon sa Cebu City Jail.
Nagtingkagol na karon sa prisuhan ang mga dinakpan.
