CEBU CITY-Moapod-apod ang kagamhanan sa dakbayan sa Sugbo sa hinabang pinansyal sa 80 ka barangay niini.
Kini human nga giaprobahan sa Sangguniang Panlungsod ang alokasyon nga P400 milyones atol sa sesyon niini niadtong Mayo 15.
Ang mga resolusyon gimugna nila ni City Councilors Franklyn Ong ug Jocelyn Pesquera.
Sa plano, ang 16 ka bukirang barangay makadawat og P13 milyones matag usa, samtang ang nahibiling 64 ka barangay makadawat og P3 milyones matag usa.
Ang maong pundo kabahin sa 2023 Annual Budget sa dakbayan, diin ang espisipikong kantidad nga gigahin sa matag barangay gitino sa Office of the Mayor.
Nasayran nga ang 16 ka barangay nga makadawat og P13 milyones matag usa mao ang Adlaon, Agsungot, Basak San Nicolas, Budlaan, Buot, Cambinocot, Kamagayan, Lusaran, Mabini, Pahina San Nicolas, Pamutan, Paril, Pung-ol Sibugay, Sinsin, Sta. Cruz, ug Sudlon I.
