P420 milyones nga budget igahin sa flood control projects sa Butuanon River sa Dakbayan sa Mnadaue

MANDAUE CITY, CEBU-Labing menos P420 milyones nga balor sa flood control projects sa upat ka bahin sa Butuanon River sa barangay Maguikay ug Tabok sa Mandaue City, Cebu, diin si Representative Emmarie Ouano-Dizon maoy nangulo sa groundbreaking ceremony.

Matud ni Ouano-Dizon nga kining flood control project kabahin sa P1.3 bilyon nga flood control projects nga iyang girekomendar ngadto sa DPWH isip flood mitigation measure sa mga flood prone areas sa dakbayan.

Dugang pa ni Ouano-Dizon nga kining P1.3 bilyones nga flood control programs niadtong 2023 nga gipatuman sa DPWH makapamenos sa posibilidad sa pagbaha, samtang makapugong usab kini sa grabeng pagbanlas sa yuta ug maprotektahan ang mga lokal nga panimalay ug panginabuhian sa katawhan.