CENTRAL VISAYAS-Mokabat sa P47.1 milyones nga balor sa ilegal nga drugas ang nasakmit sa Police Regional Office (PRO 7) atol sa ilang duha ka adlaw nga Simultaneous Anti-Criminality and Law Enforcement Operation (Sacleo) nga nagsugod sa Hunyo 3, 2024, hangtod sa Hunyo 5, 2024.
Kung diin, nasakmit sa PRO 7 ang anaa sa 6,926.53 gramos nga gituohang shabu nga adunay standard drugs price nga P47,100,404 ug nasikop ang anaa sa 117 ka mga drug personality.
Dugang pa, nga mobalor og P40. 8 milyon ang labing daghang nasakmit nga nahitabo atol sa buy-bust nga gihimo sa mga sakop sa Regional Drug Enforcement Unit 7 sa Barangay Labangon, dakbayan sa Sugbo, diin nakuhaan og unom ka kilo sa gituohang shabu ang usa ka habal-habal driver nga taga Sibulan, Negros Oriental.
