CEBU – Gikompirmar sa City of Lapu-Lapu Office for Substance Abuse Prevention (CLOSAP),pangu nga si Garry Lao,nga si Mayor Junard Chan nigahin og P50,000 sa matag usa sa kapulisan ug Philippine Drug Enforcement Agency (PDEA), isip cash incentives alang sa ilang malampusong kampanya batok sa drugas sa maong lugar.
Kahinumduman nga an maong mga ahensya nihimo og buy-bust operation sa Barangay Pajo nga miresulta sa pagkasikop ni Leonora Quistadio, 43-anyos nga residente sa Barangay Quezon, lungsod sa Tagbina sa Surigao del Sur.
Nasakmit sa kapolisan gikan sa possession ni Quistadio ang upat ka kilo sa gituohang shabu nga mobalor og P27.2 milyones.
Hinungdan nga gipahalipayan ni Chan ang kapulisan ug PDEA ug nisaad nga hatagan sila og cash incentives.
