Giklaro ni International Criminal Court accredited lawyer, Atty. Rameses Villagonzalo, nga ang gitanyag nga P50 Million nga reward gikan sa buhatan sa Department of the Interior and Local Government (DILG) bugti sa pagkadakop ni Senator Ronald “Bato” Dela Rosa, dili gikan sa ICC.
Matud niini, nga walay budget ang ICC nga gigahin alang sa mga susamang reward sa pagpasikop sa mga pugante, Inay gikan gayud kini sa panudalanan sa DILG nga gipasiugdahan ni Sec. Junvic Remulla.
Prangka nga gibutyag ni Atty. Rameses, nga aduna gayuy kapakyasan ang buhatan, sa wala pagsilbi sa warrant ug pagdakop diha-diha dayun kang Sen. Bato Dela Rosa, gumikan kay hangtod karon aduna pa gihapoy pending warrant batok niini.
Gihimug-atan niini nga base sa nakalatid sa rome statute, mamahimo gayud nga panubagon ang mga indibidwal nga mitabang ni Dela Rosa sa pag-ikyas niini, apan lalisunon pa usab kung nakalapas ba kini sa obstruction of justice.
