CEBU CITY-Mukabat sa P6.2M nga kantidad sa shabu ang nasakmit gikan sa usa ka Regional High Value Target (HVT) sa gipahigayong buybust operation sa Mambaling PNP sa Brgy.Sawang Calero dakbayan sa Sugbo.
Naila ang mga dinakpan nga sila si Lewis ug Hazel Lacida, hingkod ang panuigon ug residente ra usab sa naasoy nga dapit.
Matud ni Police Captain Francis Renz Talosig, ang hepe sa Mambaling PNP nga kinilo nga shabu ang i-dispose sa duha ug atol sa operasyon nasibat pa sa laing duha ka kauban niini ang laing 4 pa ka kilong shabu.
Nakuha sa mga dinakpan ang usa ka kilong shabu samtang padayon nga gisubay ug giila kung kinsa ang source sa dinakpan sa ilang mga shabu.
Gihikay na usab ang kasong pagmaligya ug paghupot og ginadiling drogas batok sa mga dinakpan. (Via Bombo Eric Amaro)
