CEBU CITY-Sikop sa buy-bust operation sa Police Station 3 ang duha ka mga High Value Individual Regional Level sa Sitio IKP Villagonzalo 1, Brgy Tejero dakbayan sa Sugbo.
Naila ang mga dinakpan nga silang Thomas Florita Cirujano residente sa maong dapit ug Reynaldo Ygot Capangpangan lomolopyo sa Pulpogan Consalacion dakbayan sa Sugbo.
Mukabat sa gibana-banaang 1,050 grams ang nakuha nga gidudahang shabu nga mubalor sa kantidad nga gibana-banaang P7,140,000.
Gawas sa gituhuang iligal nga drogas, nakumpiskar usab gikan sa mga dinakpan ang kalibre 9 mm armor pistol nga adunay usa ka magazine ug upat ka mga bala.
Gi-asikaso na sa kapulisan sa Waterfront Police Station ang pagpasaka sa mga dinakpan og kaso’ng may kalapsan sa RA 9165 o Comprehensive Dangerous Drugs Act of 2002. |GS
