P7 milyones nga shabu nasakmit, kapin sa 100 ka tawo ang nasikop sa mga operasyon sa kapulisan sa dakbayan sa Sugbo

CEBU CITY-Nasakmit sa Cebu City Police Office (CCPO) ang ilegal nga drugas nga mobalor og kapin sa P7 milyones atol sa usa ka adlaw nga Regional Simultaneous Anti-Criminality and Law Enforcement Operation nga nagsugod niadtong tungang gabii niadtong Hunyo 28, 2023 hangtod sa udto niadtong Hunyo 29.

Matod ni CCPO Chief Colonel Ireneo Dalogdog, kapin sa usa ka kilo sa gituohang shabu nga adunay standard nga presyo sa drugas nga P7,506,384 ang nasakmit ug 40 ka mga drug personalities ang nasikop.

Adunay kinatibuk-an nga 57 ka sugarol ang natanggong usab sa 35 ka anti-gambling operations.

Nasikop usab sa CCPO ang 42 ka indibidwal isip kabahin sa ilang kampanya batok sa mga wanted, 23 niini ang nabutang sa most wanted list.