Nakadalit na ang Department of Social Welfare and Development (DSWD) sa pasiuanang ayuda ug hinabang nga nagbalur sa P720,925 nga gipang-apod sa 14,500 ka mga pamilya nga apektado sa Tropical Storm Ramil.
Sumala pa ni DSWD spokesperson ug Assistant Secretary Irene Dumlao nga ang inisyal nga hinabang kay naglakip sa 382 family food packs (FFPs) ug 547 ready-to-eat-food (RTEF) boxes.
Dugang pa nga sa pinakaulahing report niini nga ang Bagyong Ramil kay nakaapektar sa 14,500 ka mga pamilya o anaa sa 30,368 ka mga indibwal sulod sa 147 ka mga barangay sa mga rehiyon sa Cagayan Valley, Central Luzon, Bicol Region, ug Western Visayas.
Gipanglantawan karon sa DSWD ang magkadaghan pa nga mga Local Government Units (LGUs) ang mu-request sa augmentation support samtang nagkataas ang ihap sa mga apektado sa maong katalagman sa dihang hinay-hinayng mubiya ang Bagyong Ramil sa Philippine area of responsibility.
Gisiguro ni Dumlao nga ang DSWD kay well-equipped mudalit ug pag-abag sa mga nagkinahanglan sa dihang duha ka milyon na ka FFPs ang naka prepositioned sa ilang mga bodega sa ahensya tibuok nasud.
Subay niini nga ang DSWD kay adunay kapin P169-milyones nga stand-by funds ang nakaandam aron magamit sa nagpadayong disaster response operations.
