CEBU CITY-Giplano sa kagamhanang dakbayan sa Sugbo nga karong tuig 2025 matapos ang proyektong pabalay alang sa mga sakop sa komunidad sa Badjao sa Sitio Nava, Barangay Mambaling ning dakbayan sa Sugbo.
Kini ang gisugyot ni Cebu City Mayor Raymond Alvin Garcia atol sa iyang press conference sa City Hall kagahapong adlawa sa Lunes, Marso 24.
Kun diin ang mga benepisyaryo sa maong proyekto kay katong mga biktima sa sunog sa maong dapit niadtong Marso 2 diin muabot sa dul-an 100 ka mga balay ang naugdaw.
Dugang niini nga ang pundo sa maong proyekto kay manukad gikan sa disaster fund sa dakbayan sa pagpahiluna sa mga komunidad sa Badjao inabagan sa usa ka grupo gikan sa Malaysia.
Gipadayag usab sa opisyal nga nahumana ang profiling sa Division for the Welfare of the Urban Poor sa kagamhanang dakbayan aron malista ang beneficiaries sa housing project.
Usa sa mga relocation site niini kay nahimutang sa Barangay Inayawan diin ang gitukod nga Task Force Pabahay sa kagamhanan ang nagpadayon sa panagtigom aron han-ayon ang mga gikinahanglan nga mga dokumento.
