Wala na-satisfied si National Boxer ug 8 Division World Champion Manny ‘Pacman’ Pacquiao sa mga kombinasyon nga iyang gipauwan batok kang Mexican boxer ug WBC Welterweight Champion Mario Barrios.
Gipangutana ang boksingero human sa away bahin sa iyang labing nasipyat nga mga kumo ug unsay iyang nakita nga mga depekto sa performance ni Barrios.
Matud ni Pacquiao nga si Barrios maampingon apan puno ug kusog ang iyang mga gipangbuhian nga kumo.
Gidugang sa 8 Division World Champion nga bisan og nalipay siya sa iyang nahimo sa ilang away, wala siya matagbaw sa statistics sa iyang labing sipyat nga mga suntok.
Matod niya nga wala siya matagbaw sa mga kombinasyon nga iyang gilabay ug gibati niya nga mas agresibo pa unta siya sa paglabay og mga kumo ug kombinasyon alang sa knockout.
Sa laing bahin, abli ang duha ka habig sa usa ka rematch aron masayran kung kinsa gayud ang angay nga mouli sa kampiyonato.
Bisan pa niini, giangkon ni Pacquiao nga lig-on nga kontra ang Mexican boxer.
