Andam si 8-Division World Boxing Champion Manny Pacquiao nga makigharong sa undefeated boxer nga si Floyd Mayweather Jr.
Human sa away ni Pacquiao kang Welterweight belter Mario Barrios, gipangutana ang Pinoy boxer kon andam ba siya makig-away balik kang Mayweather, usa sa mga heavyweight nga boksidor nga mipildi kaniya kaniadto.
Gitataw ni Pacquiao nga lisod pa hisgotan ang usa ka fighter nga niretiro na sa iyang duwa.
Apan, kon makagawas si Mayweather sa pagretiro ug mopirma og kontrata, andam siyang makigsangka sa undefeated boxer.
Sukad sa away ni Pacquiao ug Mayweather niadtong 2015, ang rematch sa duha nahimong init nga hisgutanan, diin daghang mga boxing promoters ang mipadayag sa ilang tinguha nga mahitabo ang rematch.
Ang away, nga gitawag og ‘megafight’, maoy usa sa pinakadakong away sa kasaysayan sa boksing. Basi sa mga rekord sa publiko, niabot kinig $400 milyones nga pay-per-view. Katumbas kini sa P22.892 bilyones.
Gihatagan og gibug-aton ni Pacquiao nga kon gusto ni Mayweather, andam siyang moatubang kaniya ug wala siya’y problema niini, karon ug balik aktibo siya sa professional boxing.
