Pacquiao, gipasidunggan isip sporting icon award sa Dubai

Gipasidunggan isip usa ka sporting icon sa Dubai ang Filipino boxing champion nga si Manny Pacquiao.

Sa World Sports Summit nga gipahigayon sa Dubai, ang Filipino boxing icon gihatagan sa Global Outstanding Sporting Career Award.

Ang mga taas nga opisyal sa Dubai mismo ang naghatag sa maong award kang Pacquiao.

Si Pacquiao miingon nga ang maong award dili lang para kaniya kondili para kini sa mga nagdamgo nga mahimong boksidor.

Giawhag niya ang mga batan-ong boksidor nga magpadayon sa pagpraktis hangtod nga mouswag sila.