Nagtuo ang CEO sa MP Promotions nga si Jas Mathur nga ang rematch nila ni Manny Pacquiao ug Floyd Mayweather Jr. magpabilin nga usa ka dakong atraksyon alang sa mga boxing fans bisan pa man og gi-postpone ang away ngadto sa Enero sa sunod tuig.
Sumala ni Mathur, masaligon siya nga ang rematch tali sa duha ka boxing legends magmalampuson ug mag-record-breaking tungod kay kini ang away nga gusto sa publiko nga tan-awon pag-usab.
Gipaniguro ni Mathur nga ang rematch tali nila ni Pacquiao ug Mayweather mahimong usa sa pinakadakong sporting events sa streaming era.
Kahinumduman nga ang rematch gianunsyo karong tuiga, apan ang pipila ka boxing analysts ug fans nangutana dayon kung makab-ot ba gihapon niini ang parehas nga interes sa ilang unang away niadtong 2015.
Dugang pa, ang duha ka boksidor anaa na sa ulahing bahin sa ilang mga karera.
Sa panahon sa gikatakdang rematch sa Enero, si Mayweather hapit na mag-50 anyos samtang si Pacquiao 48 anyos.
Bisan pa, nagtuo si Mathur nga ang edad sa duha ka atleta dili mahimong babag tungod kay pareho silang talagsaon nga mga personalidad sa kalibutan sa boksing.
