Nakaani og mga pagkahangha ug pagdayeg sa nagkadaiyang mga boksidor sa tibuok kalibotan
ang ang bag-o lang nga away nila ni eight-division boxing champion Manny Pacquiao ug Mario Barrios sa Las Vegas.
Bisan og majority draw ang desisyon ug napabilin ni Barrios ang iyang WBC welterweight belt, pipila ka mga boksidor wala gihapon mawala ang ilang pagdayeg sa 46-anyos nga Pinoy nga boksidor, diin ang Cuban boxer nga si Yordenis Ugas maoy nanguna sa pagdayeg kang Pacquiao.
Samtang si kanhi WBO junior lightweight titleholder Jamel Herring nipakita og dakong respeto tungod sa championship level nga gipakita ni Pacquiao sa maong duwa.
Nagtuo usab si kanhi IBO lightweight title holder George Kambosos Jr. nga modaog si Pacquiao sa away batok kang Barrios, kay matod niya, magpabiling inspirasyon niya si Pacquiao tungod sa iyang kaabtik sa boxing ring.
