Subling napamatud-an ni Filipino boxing icon Manny Pacquiao nga dili babag ang edad sa pagbalik sa natad sa boksing.
Bisan pa sa upat ka tuig nga pahulay, nabalik siya sa WBC welterweight rankings karong Agosto 2025.
Ang iyang katapusang away mao si Mario Barrios sa Las Vegas kaniadtong Hulyo 19, diin natapos kini sa majority draw decision.
Nakapasar si Pacquiao sa tanang gikinahanglang medical test ug drug screening sa WBC Clean Boxing Program.
Matod sa WBC, angayan siyang ibalik sa listahan tungod sa maayo niyang record.
Daghang fans ang naghinam-hinam nga makakita og balik sa “Pambansang Kamao” sa sunod niyang mga away.
Alang kang Pacquiao, kini nga away dili lang usa ka pagbalik, apan pamatuod nga ang kasingkasing sa usa ka kampeon dili gyud molubad.
