Nagplano nga hisgotan sa kampo ni IBF welterweight champion Lewis Crocker ang ideya sa pagpakig-away ni eight-division world champion Manny Pacquiao.
Nahimong welterweight champion si Crocker human gipildi si Paddy Donovan pinaagi sa split decision niadtong Septiyembre.
Karon, human madaog ang titulo, andam na usab si Crocker nga moaway og balik sa bag-ong away diin plano niyang makigsangka sa “Pinoy Pride” nga si Manny Pacquiao.
Matod ni Jamie Conlan, ang manager ni Crocker, nakontak na nila ang kampo ni Pacquiao. Kon dili madayon ang iyang away batok kang Rolly Romero, ilang hikayon ang Crocker vs Pacquiao.
Sa laing bahin, kahinumdoman nga human sa pipila ka tuig nga pagpahuway sa boxing ring, mibalik og aksyon si Manny Pacquiao diin nakigsangka siya kang WBC champion Mario Barrios diin batapos ang ilang away sa majority draw.
