CEBU CITY-Nakalangkat og tulo ka silver medal ug duha ka bronze medal ang Cebu-based dragon boat team nga Philippine Accessible Disability Services Inc. (PADS) Adaptive Dragonboat Racing Team nga maoy ni-representa sa nasud sa gipahigayon nga 16th IDBF World Dragon Boat Racing Championships sa Pattaya, nasud sa Thailand.
Midaog Ang PD1 small boat ug PD 2 standard boat sa team og duha ka silvers, samtang ang ilang PD 2 standard boat team B nakakuha og bronze medal.
Samtang, gideklarar ang ilang grupo gikan sa PD1 small boat isip 1st place, apan napahamtangan sila og 15-second time penalty gumikan sa pagkaigo sa duha ka floating buoy atol sa lumba, hinungdan nga ang bulawang medalya gihatag na hinuon ngadto sa Canada.
Sa laing bahin, mapasalamaton ang head coach sa naasoy nga dragonboat team nga si Harland “Coach Barak” Baraquero ngadto sa ilang mga supporters pinaagi sa mensahe nga gipadangat niini atol sa pakighinabi sa Bombo Radyo Cebu.
Samtang, gibutyag usab ni coach Barak ang mga benepisyo sa kalawasan sa mga mulakip sa mga lumba sa dragonboat agig pagdani sa mga katawhan nga mu-apil sa maong team.
