CEBU – Malipayong gihangop ni Gobernador Gwendolyn Garcia ang pag-abot ni First Lady Marie Louise “Liza” Araneta Marcos sa Cebu City Sports Center karong Lunes, Agosto 29, 2022, aron pagsaksi sa re-presentation ug awarding sa mga mananaog alang sa Pasigarbo sa Sugbo 2022.
Sa pagtambong ni First Lady Marcos, mihatag kini og mubo nga pakigpulong diin nagkanayon kini nga gihimo sa mga Sugbuanon nga mas makahuluganon ang “festival of festivals” nga sagradong aspeto sa kultura.
Bisan og duha na ka tuig nga wala kini mahimo sa mga Sugbuanon tungod sa Covid-19 pandemic dugangan pa sa Super Typhoon Odette nga miigo niadtong Disyembre, daw sama sa wala maapektohi ang mga Sugbuanon ug nagpabiling lig-on ug nagbarog taliwala sa tanang hagit.
Dugang pa sa unang ginang nga sa tanang bagyo, aduna pay adlaw nga mosubang pag-usab.
Sa pagtapos sa aktibidad ug pakigpulong, gihatagan si First Lady Marie Louise “Liza” Araneta Marcos og token gikan sa Cebu Provincial Government.
