Cebu City-Kabastusan ug brutal. Mao kini ang paghulagaway ni Senator JV Ejercito sa nahimong desisyon sa National Prosecution Service (NPS) nga pag abswelto nilang Peter Lim, Kerwin Enspinosa ug uban pang gipang-sang-atan ug kaso kabahin sa iligal nga drogas sa Department of Justice.
Sa interview sa Bombo Radyo ni Ejercito nga bisan siya ang naglibog kung nganong na abswelto ang mga inilang personalidad sa iligal nga drogas hilabi na si Kerwin Espinosa kinsang miangkon mismo nga maoy drug distributor sa Visayas.
Matud ni Ejercito nga usa kini ka dakong sagpa sa kampanya ni Presidente Rodrigo Duterte kabahin sa ginadiling drogas sanglit ang mga giisip nga mga dagkong isda ang gipangbuhi-an pa .
Mipadayag usab si Ejercito sa iyahang kasagmuyo sa nahimong desisyon sa DOJ panel.
Matud pa nga dili lamang kini ang unang higayon nga mihimo ug mga kwestionable nga desisyon ang DOJ diin una ng na kontrobersiya ang pag abswelto kang Nicanor Faeldon sa P6.4 billion illegal drug trade sa Bureau of Customs ug sa Bangladesh Bank Scandal.
