CEBU CITY – Wala pa’y pamahayag ang kapulisan sa Cebu City Police Office sa nahitabo nga pagpamanhig kang Clarin, Misamis Occidental Mayor David Navarro kagahapon sa dalan M.Velez, Barangay Guadalupe, dakbayan sa Sugbo.
Sa pakighinabi sa Bombo Radyo Cebu kang Cebu City Police Office (CCPO) Director Police Colonel Gemma Vinluan, gibutyag niini nga dili na una kini makahatag ug statement ug bugtong si PRO 7 Regional Director Police Brigadier General Valeriano De Leon lang ang makahatag ug official statement.
Apan gisiguro usab ni Colonel Vinluan nga nagsugod na ang ilahang imbestigasyon alang sa posibling pagkasikop sa mga suspek.
Sa pagkakarun, ilaha na unang gi-establisar ang affidavit sa mga saksi.
Gihimug-atan sa police director nga usa ka ‘isolated case’ ang nahitabo ug nagpabiling luwas ang dakbayan sa Sugbo.
