CEBU – Gilugwayan pa ug hangtod sa June 12 ning kasamtangang tuig ang pag-divert sa tanang mga international flights sa Mactan-Cebu International Airport ngadto sa Ninoy Aquino International Airport sa Pasay City.
Kini ang gipahibalo ni Presidential Spokesperson Harry Roque atol sa Press Briefing niini sa Malakanyang kagahapong adlawa, Hunyo 8, 2021.
Basi ang maong kamanduan sa giluwatan ni Executive Secretary Salvador Medialdea diin gipagawas kini petsa singko ning buwan sa Hunyo, ang adlaw nga gi-lift ang unang schedule sa pagdivert sa mga international flights niadtong Mayo 29.
Lauman nga ipatuman matod pa sa Probinsya sa Sugbo ang protocols nga gipatuman sa National IATF kabahin sa swab testing policy sa mga inbound international travelers sa nasod sa petsa 13 niini nga buwan.
Subay niini, pina-agi sa text message sa mga tigbalita, gibutyag ni Cebu Provincial Governor Gwendolyn Garcia nga ilang istudyohan ang ilang posisyon isip elected ug accountable opisyal sa Probinsiya. Kinahanglan nga ang tanan mosunod matod pa sa rule of law.
