Nagtanyag ang Pag-IBIG Fund nagtanyag og espesyal nga 4.5 % nga interest rate sa mga pautang sa balay nga mokabat hangtud sa P1.8 milyones.
Sa usa ka pahayag, ang Home Development Mutual Fund nagkanayon nga ang special interest rate magamit alang sa mga first-time homebuyers nga mokita og ubos sa P47,856 kada bulan sa National Capital Region, ug ubos sa P34,686 kada bulan sa mga lugar gawas sa Metro Manila.
Ang mga Overseas Filipino Workers (OFWs), bisan unsa pa ang kita, mahimo usab nga mag-aplay, giingon sa Pag-IBIG. Ang special interest rate magamit sa unang 10,000 ka locally employed nga mga aplikante ug ang unang 1,000 ka OFW nga mga aplikante.
Ang chief executive officer sa Pag-IBIG Fund nga si Marilene Acosta nagkanayon nga ang special rate nagtugot sa mga miyembro nga makadaginot og dul-an sa P2,000 kada bulan, o mga P71,000 sa unang tulo ka tuig sa P1.8 milyones nga utang nga bayran sulod sa 30 ka tuig.
Ubos niini nga tanyag, ang binuwan nga amortization alang niini nga loan sa 4.5 porsyento nga promo rate kay P9,120.34 ra, itandi sa P11,082.91 sa regular nga 6.25 porsyento nga interest rate.
“This program makes even non-socialized housing more affordable and responds to the needs of Filipino families who prefer house-and-lot units that offer more space, privacy and long-term value,” matud ni Acosta.
Sa niaging buwan, ang Pag-IBIG nitanyag usab sa mga residente nga nagpuyo sa ilang gi-foreclosed nga mga propyedad og kahigayonan nga makapalit sa ilang mga balay sa 10 porsiyento nga diskwento.
