Pag-isyo og citation ticket para sa pataka og labay sa basura og panigarilyo sugdan karong semanaha

CEBU CITY-Sugdan karung semanaha ang pag-isyu og citation ticket sa mga dili mag-segregate og basura, ingun man ang mga magpataka og labay.

Kini human nga gitudlu ni Cebu City Mayor Edgardo Labella si Grace Luardo isip in-charge sa pagpangolekta ug basura.

Matud pa nga makamulta ug 500 ka pesos sa 1st offense ang magpataka ug labay sa basura, ingun man ang manigarilyo sa publiko nga lugar nga makamulta ug 2,000 ka pesos.

Samtang, supurtahan usab ni Franklyn Ong, ABC President, ang direktiba ni Mayor Labella nga limpyuhan ang dakbayan sa Sugbo.

Plano niini nga ipatawag ang mga kapitan sa dakbayan arun nga hisgutan ang direktiba sa mayor alang sa kaayuhan sa tanan.(SBR)