CEBU CITY-Generally peaceful ang pag-obserbar sa semana santa sa Dakbayan sa Sugbo, basi sa assestment ug record sa kapulisan sa City Tactical Operation Center sa Cebu City Police Office.
Kini ang malipayon nga gipahibalo ni Police Col. Ireneo Dalogdog, ang hepe sa kapulisan sa Cebu City Police Office, atul sa pakighinabi sa Bombo Newsteam.
Gitino sa opisyal, nga ‘Very peaceful’ o zero Crime incident ang pag-obserbar sa semana santa 2024 gikan sa Marso 25 hangtud sa Marso 31 2024.
Dugang pa sa opisyal, nga kini nga record ilahang gibasihan ang gikan sa mga simbahan,Pantalan, Terminal ug malls.
Gi-klaru sa opisyal ng aduna usay mga ‘crime incidents’ nga nahitabo sa samang mga adlaw, apan wala kini’y kalabutan sa pag-obserbar sa semana santa.
Susama nalang sa adunay natala nga Roberry ug illegal nga sugal ingun man sa illegal nga drugas.
Subay niini, adunay 37 kabook ang nasikop sa illegal drugs ug 56 sa illegal gambling, kini gumikan kay bisan paman sa holy week walay hunong ang checkpoint ug pagpahugot sa seguridad sa kapulisan.
Padayun ang pasalamat sa opisyal sa katawhan sa Sugbo ug sa local nga kagamhanan sa padayun nga pagsuporta kanila, gumikan kay dili sila magmalampuson kung wala ang kooperasyon sa matag usa.
