CEBU CITY- Gibutyag ni Jaime Paglinawan,ang Chairman sa Bagong Alyansang Makabayan nga ang lakang sa pagre-align sa pundo sa flood control project ngadto na sa DSWD usa lamang ka strategy gumikan sa kainit sa isyu sa flood control scandal.
Dugang pa ni paglinawan nga mas mahinungdanon ng ang lakang kung mas gihatagag pagtagad ang paghatag ug pundo sa edukasyon, panglawas ug hilabi na sa zero billing sa mga nag-unang bayrunon sa panimalay.
Sigon ni Paglinawan, nga bisan pa sa kadako sa pundo sa nasud alang sa mga pipila ka mga programa, usa sa nakita niya nga rason sa kalisod sa nasud mao ang Dinastiya sa Politika ug ang pagkontrol sa politika sa pipila lamang ka pamilya.
Gilakip usab niini sa mga rason mao ang pagpalapad sa political patronage ug pagsabotahi sa mga programa sa gobyerno alang sa mga katawhan.
