Gitudlo sa Metropolitan Cebu Water District (MCWD) si Atty. John DX Lapid isip bag-ong General Manager sa MCWD gahapong adlawa, Marso 16.
Subay niini, eksklusibong gikuha sa Bombo Radyo Cebu ang iyahang habig aron pagasutaon kung unsa ang mamahimo niyang prayoridad subay sa iyang paglingkod karon isip General Manager.
Diin, gikabutyag ni Lapid nga ang pag stablized sa MCWD subay sa kasayuran sa kadaghanan nga problemado sa pinansyal nga matang sa water district.
Busa, pagabuhaton niini ubos sa iyahang termnino ang stability ug financially nga matang, samtang nagtanyag og suplay sa tubig sa matag konsumidor sa Metro Cebu.
Giasoy usab ni Lapid nga sa unang adlaw sa paglingkod niya isip General Manager sa maong water district, wala ra usab siya’y namatikdan nga nisupak.
Gani, giklaro pa niya nga abli ra ang iyahang buhatan kung ugaling adunay mga suhistyon, o concerns, kay matod niya, kabalo na ang iyahang gingsakopan kung unsa siya ka-maayo nga pagkalider ug kamaayo nga maminaw.
Busa, kung ugaling adunay kakulian nga motumaw, andam ra siya maminaw, ug giklaro nga hapsay ra ang unang adlaw sa iyang paglingkod.
